Inger Anna Lena Þ Ericson

30.9.2008 | 15:10

ÞÚ TRYGGIR EKKI EFTIRÁ..........né fyrirfram!!!!

Mikið rosalega þykir mér alltaf gaman að eiga við tryggingarfélögin!!!!! ég hef í gegnum tíðina eitt vel á aðra milljón (amk) í tryggingar á ári, og hef því miður átt viðskipti við öll tryggingarfélögin en er núna hjá Vís en hef ekki þurft að eiga við þá í c.a 10 ár þannig að þeim ákvað ég að gefa séns núna. Í hvert einasta skipti sem ég lendi í tjóni þá kemur upp einhverjar þær fáranlegustu klausur sem menn geta hugsað upp sem hindra að það ég fái tjón mitt greitt og treystið mér ég les skilmálana bara til skemmtunar til þess að sjá hversu fáranlegar aðferðir þeir geta fundið upp til þess að hindra að þeir greiði of mikið í tjón (já eða bara eitthvað yfir höfuð). Ég á svo margar "skemmtilegar" sögur af samskiptum mínum við tryggingarfélög að ég get varla annað en amk brosað út í annað yfir heimskulegum og oft fáranlegum reglum/undanþágum/skilmálum þessara "ágætu" fasista (ef ég má leyfa mér að segja það). Nýjasta dæmið er samt alveg kostulegt og mun ég sýna ykkur það hérna. Til þess að útskýra aðeins þá er ég að vinna í því að færa yfir tryggingar mínar til Vís en Innbúskaskótryggingin mín fer yfir til Vís þann 1.10.2008 (sem kannski útskýrir trega Sjóva til greiðslu en réttlætir hann engan veginn).

þann 27.9.2008 ákvað minn ágæti hundur að segja mér á hans tungumáli að honum leiddist og ákvað að gera hið sæmilegasta gat á tungusófa heimilisins og hann sem einstaklega skynsamur hundur ákvað að gera það á tunguna þannig að ekki er hægt að snúa þeirri pullu eins og hægt væri á öllum hinum.

ég sendi inn tjónaskýrslu til sjóvá og hérna kemur fyrsta svarið.

Góðan dag.

Varðandi tjóns á sófa af völdum hundsins Funa, er tjónið ekki bótaskylt, vegna þeirra áhættu sem því fylgir að eiga heimilisdýr,
Samkvæmt skilmálum.

svar mitt er á þessa vegu:

Sæl, er ég ekki með innbúskaskó sem tryggir mig nákvæmlega fyrir því að ef einhver á heimilinu veldur skemmdum (kannaði þetta sérstaklega þegar ég tók þessa tryggingu á sínum tíma) og söluráðgjafinn sagði mér að ég væri bótaskyld þótt að ég sjálf valdi tjóninu minus að sjálfsögðu sjálfsábyrgðin????

Getur þú sent mér þessa skilmála sem þú vísar í

Svar Sjóvá!!!!!

Sæl, innbúskaskó tekur á skyldilegu, ófyrirséðu og utanaðkomandi tjóni, en það er álit okkar að það fylgi því einhver áhætta að hafa dýr á heimili og reikna megi með því að eitthvað komi upp á.

Hvað skilmálana varðar þá varð mér á að vísa í þá en það stendur ekki í þeim að tjón sem heimilisdýr veldur sé undanskilið.

Ég vil þó benda þér að þú getur lagt málið fyrir úrskurðarnefnd hjá Fjármálaeftirlitinu http://www.fme.is/?PageID=315

(þarna vill ég sérstaklega vekja athygli á orðinu SKYLDILEGU)

Næsta bréf frá mér "tjónþolandanum frekar pirraða":

Sæl, þýðir það að innbúskaskó tryggir enga af íbúum heimilis míns “skyldilegu, ófyrirséðu og utanaðkomandi tjóni,“ (geri ráð fyrir að skyldilegu eigi að vera skyndilegu) ???

Sjóvá svarar:

Sæl , innbúskaskó tekur á skyldilegu, ófyrirséðu og utanaðkomandi tjóni sem heimilisfólk veldur,
en ekki gildir sama um heimilisdýr á heimilinu, því miður.

svar vel pirraðs tjónþolanda:

Fyrirgefðu en getur þú sagt mér hvað skyldilegt tjón er? Hef aldrei heyrt þetta orð og hvað þá að ég skilji það? En hvað er utanaðkomandi tjón ef ég veld því?

Sjóvá svarar á þá leið:

Sæl. Skyndilegt tjón er sem gerist mjög skyndilega, en ekki á löngum tíma.
Td, eins og atburðurinn með hundinn þinn er ekki skyndilegt, þar sem að það er fyrirséð að heimilisdýr geti valdið tjóni ,
Fellur það því ekki undir skilmálan skyndilegt og ófyrirsjáanlegt . Utanaðkomandi tjón er þegar að atvik á sér stað sem veldur
tjóni.

....er verið að gera grín að mér!!! skyndilegt tjón er eitthvað sem ég skil alveg og við skulum alveg átta okkur á að öll tjón eru skyndileg sem snerta innbúið og hver skilur ekki að "utanaðkomandi tjón" sé vísun í atvik sem veldur tjóni?????? orsök og afleiðingar eru óaðskiljanleg hugtök þegar kemur að tjónamálum og ef ég ætti að skilgreina utanaðkomandi tjón þá myndi ég ekki vísa í að það væri eitthvað atvik sem veldur tjóni, við skulum átta okkur á því að ekkert gerist að sjálfu sér og öll tjón eru ÓVÆNT nema um einbeittann brotavilja sé að ræða og þá er óhætt að segja að þau séu ekkert sérstaklega óvænt...eða hvað!!!!!!!!!!!!!!!

svar mjög pirraðs tjónþola sem allt í einu mundi eftir því að Sjóva hefði þegar greitt henni tjón af völdum FUNA....

Sæl Arnbjörg! Getur þú útskýrt fyrir mér hvers vegna ég fékk tjón greitt þegar hundurinn minn át gleraugun mín en það sama gildir ekki um sófann? Mér þykir forvitnilegt að vita það? Ef það vegna þess að það þykir fyrirsjáanlegt að hann geti eyðilagt sófasettið mitt en ekki gleraugun mín?

nýjasta svar Sjóvá:

Það tjón sem er varðandi gleraugun, er bætt á þeim forsendum að það er óhapp/atvik eins og stendur í skýrslu að
Gleraugu duttu af tjónþola, brotna og síðan komst hundur í gleraugun í skamman tíma.
Þar er verið að bæta vegna að gleraugu brotna.

p.s þarna er misnotkun á íslenskri tungu (jájá sem ég geri meira af en hollt þykir) farið að fara verulega í taugarnar á mér og tek það fram að textinn GLERAUGU DUTTU AF TJÓNÞOLA, BROTNA er feitletraður.

svar MJÖG pirraðs tjónþola:

Sæl, en getur þú sagt mér af hverju það er ekki getið í þessum ágætu skilmálum að heimilisdýr séu undanskilin, get t.d. alveg eins fært rök fyrir því að börnin mín (elskuleg eins og þau nú eru) eru mun fyrirsjáanlegri heldur en hundurinn minn til þess að valda tjóni á heimili mínu og hafa í gegnum tíðina gert mun verri hluti heldur en hann????

Mér finnst þetta engan veginn vera góð og gild skýring og fáranleg undankomuleið að greiða mér tjón fyrir það eitt að segja satt í góðri trú um að allir íbúar (menn og dýr) séu tryggðir í innbúskaskó enda ekkert sem segir til um undanþágu vegna heimilisdýra.

þessu bréfi hefur ekki verið svarað þegar þetta er sett inn en ég man það næst að hafa söguna á þennan veginn....

"Ég var uppi á sófanum að festa upp "mynd/ljós/whatever" í pinnahælunum mínum og svo SKYNDILEGA dett ég niður í sófann og næ með pinnahælunum að gera gat á sófann sem var algjörlega ÓFYRIRSJÁANLEGT og ekkert utanaðkomandi (aka atvik) sem olli því að ég stóð uppi á sófanum á pinnahælunum mínum.

já hver getur ekki glaðst yfir vitleysunni sem kemur frá þessum ARÐRÆNINGJUM

KVEÐJA Inger hinn illa pirraði Tjónþoli Sjóva !!!!!!

Flokkur: Bloggar | Facebook

Athugasemdir

Vá.

Ég er ánægð með þig að gefa Sjóvá ekki frið með þetta heldur fá útskýringar, hversu fáranlegar sem þær eru nú. Ég lenti eimmitt í því að tíkin át gleraugun mín og fékk þau bætt hjá Sjóvá án nokkurs vesen. En að eitthvað annað gildi um sófan er fáranlegt. Ég gæti sko alveg trúað því að ástæðan fyrir þessu veseni sé sú að þú ert að hætta hjá þeim. Kv. Guðbjörg.

Guðbjörg Konráðsdóttir (IP-tala skráð) 30.9.2008 kl. 16:03